給新手的小忠告

之前有多位大大已經花了很多心血寫了幾篇有關N-cycle的文章,
小弟不再多講N-cycle, 反而想講下魚魚的相容性問題~~~

好多人去到魚店, 見到靚魚都想買返屋企, 好多時冇考慮過魚只的喂食和相容性問題!(或者沒有那常識~~~)
其實除左條魚有冇病, 要考慮的因素仲有好多, 以下是較重要的幾點~~~

a)搶食度
有啲魚食得好快, 有啲魚食得慢, 如果亂咁買魚, 最終只會餓死食得慢的魚
超快: 倉魚類, 蝙蝠類, 炮彈, 狐
中快: 魔類, 小丑類, 小型仙, 吊類, 龍
一般: 大型仙, 古b類, 蝶魚類, 狗仔
中慢: 朱古力, 寶石類, 番類, 獅子類, 娃娃魚
超慢: 木盒類, 海馬, 海龍, 定海針, 刀片魚

b)進食習慣
有啲魚是食齋的, 畀太多肉類糧食會令它腸道/肛門發炎, e.g.絲絨吊
有啲魚唔食乾糧, 只吃活口, e.g.寶石/獅子/娃娃魚/鰻魚
有啲魚是夜鬼, 熄燈先搵食, e.g.睡衣, 大眼雞, 加魯達天使
有啲魚凈系在缸底找小甲殼/貝類來食, e.g.麒麟
有啲魚無苔不歡, e.g.巴士, 橙尾古b
有啲魚一定要食海綿, e.g.美國石美人
有啲魚勁鍾意食蝦蟹, e.g.六線狐
有啲魚勁鍾意食珊瑚, e.g.蝶, 大型仙
有啲魚系天生破壞王, e.g.炮彈!!!
總之買魚前要先多做一點功課, 清楚該種魚要吃什麼, 否則只有一天比一天瘦, 又或者不斷有小魚/蝦/蟹/螺失蹤X啲

c)相容性
地盤性魚類首選橙尾古b, 佢真系好兇, 大自己十倍的魚, 一游近佢個洞, 照打!
其次是魔和仙, 然後是吊和小丑,
如果真系要一齊養, 最好將新魚篩幾日, 整畀多啲洞/石畀佢地躲下, 或者選大小相距較大的魚只~~~
神仙魚中, 也有群居的, e.g.天皇仙, 金蝴蝶(單養或養幾條, 不要養兩條!)
神仙魚里的燕子科, e.g.土耳其仙, 眼鏡燕, 日本燕, 雌雄花紋不同, 可以一對咁養
(燕子科有天然變性的特性, 一群雌魚一起生活一段時間, 其中一條會變雄魚, 好玩
!!!)

啲)毒性
有些魚是有毒的, e.g.獅子魚, 火焰木盒
獅子魚和泥猛的刺都有毒, 捉魚時要小心啲...
有部份木盒受驚或死後會放毒氣, 在大海里, 它會hit an啲 run, 但系在魚缸里只會一鑊熟~~~

e)日照度
咪以為燈光越強越好, 其實有些魚唔鍾意光, e.g.鰻魚, 大眼雞, 撻沙
相反, 士多啤梨就曬少一陣都唔得, 否則顏色越來越淡~~~

霎時間諗到咁多, 系咁先~~~